Na ye sab ki thi
Na ye un ki ki thi
Ye to sirf meri apni thi
Selfie

Kayi dawaton ke bulawe thay
Kayi doston se jo waade thay
Yahi soch ke nibhaye thay
Ke wahan pe hogi ek nayi
Selfie

Joon hi doston ko ilm hua
Mera camera hai bohat naya
Mera jeena bhi muhaal hua
Kyun ke ab mujhe ye hukm hua
Le lo tum zara hamari bhi
Selfie

Woh jo hum mein hain zara ba-asar
Unhein hain muyassar naye hunar
Kabhi phone hai, kabhi stick hai
Kahin camere ki click hai
Magar sab hi lete hain ek si
Selfie

Teri Facebook pe mera face hai
Tujhe kya pata ye ek race hai
Main jo subha tha wahi shaam hoon
Tujhe yaad dilane bheji hai
Selfie