رشتے محبت سے بنتے ہیں
امارت سے نہیں
دوست، دلوں میں رہتے ہیں
محلوں میں نہیں

محبت اعمال میں دیکھتی ہے
تحفوں میں نہیں
اور دکھ مل بیٹھ کے بٹتے ہیں
چھپانے سے نہیں

فقرے بھول جاتے ہیں
ان کے وار نہیں
چہرے بھول جاتے ہیں
ان کے کردار نہیں

لوگ دل سے اترتے ہیں
ذہن سے نہیں
تاریخیں بھول جاتی ہیں
وارداتیں نہیں

یادیں رہ جاتی ہیں
حقیقتیں نہیں
زندگی گزر جاتی ہے
وقت ٹھہرتا نہیں

رشتے محبت سے بنتے ہیں
فیس بک سے نہیں
دوست دلوں میں رہتے ہیں
سیلفیز میں نہیں

چاہت نظر میں ہوتی ہے
اموٹیکونز میں نہیں
اور دکھ بانٹنے سے بٹتے ہیں
دکھانے سے نہیں

تمغے اعمال پہ ملتے ہیں
شکلوں پہ نہیں
ہم راہی سفر میں ملتے ہیں
انوائٹ سے نہیں

عزت دل سے جاتی ہے
بلاکنگ سے نہیں
اعلان دنیا کو ہوتا ہے
وال پہ نہیں

راز اپنے ہوتے ہیں
فرینڈز کے نہیں
اور یہ اشعار میرے ہیں
چوری کے نہیں