Kahein rehmatoun ki hein baareshein
Kahein aarzouein hazaar hein
Meri duaoun mein gurr kami bhi ho
Teri burkatein be shumaar hein

Meray gunah bhi kuch kum nahin
Meri niyatein daaghedaar hein
Tu ne hurr khutaa meri maaf ki
Teray ihsaan mujh pe hazaar hein

Meri talubb mujhay be sukoun rukhay
Meri husratein bey shumaar hein
Tu nay de diyaa youn subrr mujhay
Meraay maal o zurr hazaar hein

Meray Shuk shubhay, budd gumaaniyaan
Mujhay roz o shubb sataatii thein
Tu ne sooch meri budul di youn
Abb raahutein meray saath hein

Tu Raheem hai tu Kareem hai
Tujh se maangii subb duaaein hein
Teray siwaa hai naahin koi
Meray saath Teri razaaein hein