Har shab tumhare khwab
Har din tumhari yaad
Dil mein na koi aur tha
Abhi kul ki baat thi

Qadmon ki madham chaap
Aur manoos si awaaz
Kitni aasaan tumhari pehchaan thi
Abhi kul ki baat thi

Main doston ke darmiyan
Aur zikr tha tumhara
Anjaan ban ke sunti
Abhi kul ki baat thi

Mahfil mein ik hujoom tha
Aur tum bhi the wahin
Chhup chhup ke tumhein dekhti
Abhi kul ki baat thi

Chaukhat pe jo qadam
Jhijhak kar palat gaye
Main dekhti un ki raah thi
Abhi kul ki baat thi

Jaate hue palat kar
Gale milte the kuch aise
Yeh mulaqat ik wadai thi
Abhi kul ki baat thi

Meri duaon mein tum rahe
Meri mannaton mein tum
Tum se wafa ki umeed thi
Abhi kul ki baat thi